|
|
 |
Gerð og framleiðsla
Atvinnurekendur og starfsmenn þeirra sem vinna við byggingastarfsemi og mannvirkjagerð, rekstur gististaða, söluturna og veitingarekstur, húsgagna- og innréttingaiðnað, gleriðnað og skyld starfsemi, kjötiðnað, bakstur, bílgreinar, ýmsar málm- og véltæknigreinar, fjarskipti og upplýsingastarfsemi og öryggisþjónustu, eins og þessar greinar eru taldar upp í fylgiskjali 1 með samkomulagi ASÍ og SA, skulu bera vinnustaðaskírteini.
Atvinnurekandi skal sjá til þess að starfsmenn fái vinnustaðaskírteini þegar þeir hefja störf.
Atvinnurekandi og starfsmenn hans skulu bera skírteini á sér og vera reiðubúnir að framvísa því, sé þess óskað af eftirlitsfulltrúa. Með atvinnurekanda er einnig átt við sjálfstætt starfandi einstaklinga.
Á vinnustaðaskírteini skulu eftirfarandi upplýsingar koma fram:
Nafn og kennitala viðkomandi starfsmanns ásamt mynd. Starfsheiti er valkvætt. Ef starfsmaður erlends þjónustufyrirtækis er ekki með íslenska kennitölu skal skrá fæðingardag og ár.
Nafn/heiti atvinnurekanda eins og það er skráð í fyrirtækjaskrá (eða heiti starfsmannaleigu eins og það er skráð hjá Vinnumálastofnun).
Atvinnurekandi er ábyrgur fyrir gerð vinnustaðaskírteinisins og þeim upplýsingum sem þar koma fram. Hann er ekki bundinn við tiltekið form eða útlit svo lengi sem skírteinið uppfyllir skilyrðin hér að framan.
Þau fyrirtæki sem þegar hafa gefið út vinnustaðaskírteini fyrir sig og starfsmenn sína, sem uppfylla skilyrðin hér að framan þurfa ekki að gera sérstakar ráðstafanir.
Ráðlagt er að nota vinnustaðaskírteini þar sem upplýsingar eru prentaðar á plastkort. Kostnaður við gerð slíkra korta getur verið mjög mismunandi eftir því hversu mikið er lagt í útlit og búnað slíkra korta. Þannig er kostnaður meiri ef fyrirtæki láta hanna sérstakt útlit á kortin. Sama gildir ef kortin eru með segulrönd fyrir upplýsingar, svo dæmi sé tekið.
Til að auðvelda atvinnurekendum að uppfylla þau skilyrði sem sett eru varðandi vinnustaðaskírteinin á sem einfaldastan hátt hafa ASÍ og SA látið útbúa einfalda fyrirmynd af vinnustaðaskírteini sem þeir geta nýtt sér. Sé sú aðferð notuð á kostnaður við gerð kortanna að vera mjög hóflegur.
Þá skal atvinnurekendum bent á að einfaldast er að send framleiðendum skírteinanna excel-skjal með upplýsingum sem koma eiga fram á kortunum, eins og hér er sýnt:
Einnig skal fylgja með mynd af viðkomandi starfsmanni og er mælt með að nota kennitölu starfsmanns í heiti hennar til að forðast mistök.
Eftirtaldir aðilar m.a. bjóða prentun á vinnustaðaskírteinum á plastkort:
Fjölsmiðjan. Nánari upplýsingar á www.fjolsmidjan.is / gudmundur@fjolsmidjan.is. Sími 5444080.
Vörumerking ehf. Nánari upplýsingar á www.vorumerking.is. Sími 4142500.
Samskipti ehf. Nánari upplýsingar á http://samskipti.is/?category=157. Sími 5807800.
F&F kort. Nánari upplýsingar: ffkort@simnet.is. Sími 5683920.
FRUM. Nánari upplýsingar á www.frum.is. Sími 5681000.
Auðmerkt ehf. Nánari upplýsingar á www.audmerkt.is. Sími 5556500.
Öryggismiðstöðin.Nánari upplýsingar á www.oryggi.is. Sími 5702400.
Ásprent. Nánari upplýsingar á www.asprent.is. Sími 4600700.
Tunnan prentþjónusta ehf. Nánari upplýsingar á www.tunnan.is. Sími 4671288.
Sérmerkt ehf. Nánari upplýsingar á http://sermerkt.is/products/5223-vinnustadaskirteni. Sími 557-8200.
Hér má nálgast form fyrir vinnustaðaskírteini fyrir prentun á plastkort. Sækja hér.
Hér má nálgast form fyrir vinnustaðaskírteini fyrir hefðbundna prentun. Sækja hér.